İsrailli ekspertlərdən xəbərdarlıq: Pfizer vaksini 6 aydan sonra təsirini itirir

Pfizer preparatı ilə vaksinlənmiş 8 min İsrailli vətəndaşlarda koronavirusa immunitetin formalaşmasının araşdırılması göstərdi ki, SARS-CoV-2 virusuna qarşı antitellərin konsentrasiyası vaksinasiyadan altı ay sonra on dəfə düşür. Ekspertlərin araşdırması “medRxiv” tibbi xəbər portalında yayınlanıb.

Ekspertlər yazır: "Bu, bir daha əhalinin bütün həssas qrupları arasında yenidən peyvənd edilməsinin vacibliyindən danışır".

Həkimlər, peyvəndlərin və ya əvvəlki koronavirus infeksiyasının SARS-CoV-2-nin mövcud və yeni ştamlarına qarşı uzunmüddətli immunitetə səbəb olub-olmadığı sualına qəti cavab vermirlər. Son ayların müşahidələri göstərir ki, adətən virusa qarşı antitellərin miqdarı 6-8 ay ərzində yüksək olaraq qalır, bəzi hallarda immunitet daha uzun müddət davam edir və ya daha tez yox olur.

Xüsusilə, son müşahidələr göstərir ki, Pfizer peyvəndinin yaratdığı immunitet Moderna və digər vaksinlərdən daha sürətli azala bilər. “Makkabi Sağlamlıq Xidməti”ndən Jennifer Kertesin rəhbərliyi altında çalışan həkimlər-Sharon Baruch Gez, Yaki Saciuk, Lia Supino-Rosin, Naama Shamir Stein, Miri Mizrahi-Reuveni, Anat Ekka Zohar bu hipotezi ilk dəfə sınaqdan keçirdilər.

Ülviyyə Şükürova  

Hurriyyet.az