ISW: Putin Rusiyanı üzünmüddətli imperialist müharibəyə hazırlayır

ABŞ "Müharibənin Tədqiqi İnstitutu" (ISW) son yeniləməsində prezident Vladimir Putinin çərşənbə günü İnsan Hüquqları Şurasının iclasındakı son çıxışını təhlil edir. Çıxışında Rusiya prezidenti bildirib ki, “xüsusi hərbi əməliyyat” (Kreml Ukraynaya qarşı müharibəni belə adlandırır) “uzun proses”dir və yeni ərazilərin alınması ilə nəticələnməlidir.

"Putin özü ilə rus çarı I Pyotr arasında özünə sərfəli paralellər apararaq qeyd edir ki, Rusiya hazırda Böyük Pyotrun da uğrunda mübarizə apardığı Azov dənizinə nəzarət edir", deyə amerikalı ekspertlər bildirir.
“Rusiya imperiyasının tarixinin xatırladılması Putinin Ukraynadakı hazırkı imperialist və maksimalist məqsədlərini açıq şəkildə göstərir. Putin yerli rus auditoriyasını Ukraynada yeni Ukrayna ərazilərini ələ keçirmək üçün lazım olan uzun, yorucu müharibəyə hazırlayır”, xülasədə deyilir.

Ülviyyə, Hurriyyet.az