İvanovun həbs müddəti uzadıldı

Moskvanın Basman məhkəməsi Rusiyanın müdafiə nazirinin müavini Timur İvanovun rüşvət işi üzrə həbs müddətini uzadıb.

Hürriyyət.az xəbər verir ki, bu barədə Moskva şəhərinin ümumi yurisdiksiya məhkəmələrinin teleqram kanalı məlumat yayıb.

Xatırladaq ki, T.İvanov aprelin 23-də 1 milyon rubl (18 200 AZN) rüşvət almaqda şübhəli bilinərək saxlanılıb. Məhkəmə onun barəsində iki aylıq həbs qətimkan tədbiri seçmişdi. 

İttiham olunduğu maddəyə əsasən, məmuru 15 ilədək həbs cəzası gözləyir.