Kanadadan İrana qarşı yeni sanksiyalar

Kanada İrana qarşı yeni sanksiyalar elan edib.

Bu haqda Kanada Xarici İşlər Nazirliyi açıqlama yayıb.

Qeyd edilib ki, sanksiyalar, xüsusən də hicabın düzgün geyinilməməsi səbəbindən saxlanılan İran vətəndaşı Məhsa Əmininin ölümü ilə bağlıdır.

Bu yeni tədbirlər Kanada Hökumətinin mövcud sanksiya rejiminə əsaslanır və 25 fiziki şəxs və 9 qurumu əhatə edir.

Qeyd edək ki, İslam İnqilabı Keşikçiləri Korpusunun (SEPAH) komandanı Hüseyn Səlami, eləcə də Əl-Qüds xüsusi təyinatlılarının komandiri İsmayıl Kaani də sanksiya siyahısına daxil edilib. \\Qafqazinfo