Kreml Roma, Paris və Berlindən Moskva ilə dialoqa dair siqnalları alqışlayır

Hurriyyet.az xəbər verir ki, Kreml İtaliya, Fransa və Almaniyadan Rusiya ilə dialoqa ehtiyac duyulması ilə bağlı siqnalları qeyd edib və bunu Qərb ölkələrinin mövqelərində müsbət bir irəliləyiş hesab edir, deyə Kremlin sözçüsü Dmitri Peskov jurnalistlərə bildirib.

"Son günlərdə bir sıra Avropa liderlərinin, xüsusən də Paris, Roma və hətta Berlinin Avropada sabitliyin olması üçün ruslarla danışmaq lazım olduğu fikrini dəstəkləyən açıqlamalarını qeyd etdik, nə qədər qəribə görünsə də. Bu, bizim vizyonumuza tamamilə uyğundur", - deyə o qeyd edib.

"Əgər bu, həqiqətən avropalıların strateji vizyonunu əks etdirirsə, deməli, onların mövqelərində müsbət bir irəliləyişdir", - deyə Peskov bildirib.

Kreml sözçüsü xatırladıb ki, bir müddət əvvəl Avropa paytaxtları Rusiya ilə hər hansı bir dialoq ehtimalını istisna edən, yalnız onu məğlub etmək ehtiyacından danışan açıqlamalar verirdilər. "Belə utopik açıqlamalar! Görək hadisələr indi necə inkişaf edəcək", - deyə o bildirib.

Peskov vurğulayıb ki, amerikalılarla bu cür dialoq qurulub. "Biz amerikalıların bu məsələdəki səylərini yüksək qiymətləndiririk", - deyə o bildirib.

Hurriyyet.az