MKİ-nin keçmiş rəhbəri: Ukrayna üçün uzaqmənzilli raketlərə qoyulan məhdudiyyətlər götürülür

MKİ-nin keçmiş rəhbəri Devid Petreus bildirib ki, Ukrayna üçün uzaqmənzilli raketlərə qoyulan məhdudiyyətlər götürülür.

Amerika qoşunlarının Əfqanıstandan tələsik və qeyri-mütəşəkkil çıxarılması və Krımın Rusiyaya qaytarılmasına zəif reaksiya ABŞ-ın zəif və qətiyyətsiz olduğu təəssüratı yaratdı. Mərkəzi Kəşfiyyat İdarəsinin keçmiş rəhbəri Devid Petreus Kiyevdəki Amerika Universitetinin video bloqunda bildirib ki, 2014-cü ildə Krımın və Donbasın işğalına Qərbin minimal reaksiyası prezident Putini ABŞ və Qərbin Ukraynanın növbəti işğalına reaksiyasının o qədər də əhəmiyyətli olmayacağına inanmağa sövq etdi. Və səhv etdi.

“Putin hesab edirdi ki, biz Əfqanıstanı tərk etdikdən sonra Sinin dediyi kimi, “Amerikalılar etibarsız müttəfiqlərdir. Baxın görün ABŞ necə xaotik şəkildə çıxdı, onlar artıq böyük güc deyillər. Mən bu bəyanatların hər ikisi ilə razı deyiləm, hesab edirəm ki, ABŞ və Qərbin reaksiyası bizim nəyə qadir olduğumuzu göstərdi, baxmayaraq ki, bəzi qərarlar çox gec qəbul edilib. İndi isə biz öz uzaqmənzilli taktiki raketimizdən, Rusiya ərazisində istifadə oluna bilməyən ordu taktiki raketindən istifadəyə qoyulan məhdudiyyətləri qaldırırıq”, deyə Petreus bildirib.

Ülviyyə, Hurriyyet.az