“Müdafiə xətlərimiz etibarlı deyil” - Erməni nazir

“Müdafiə xətlərimiz mükəmməl vəziyyətdə deyil, lakin onları gücləndirmək üçün hər şey edirik”. 

Hurriyyet.az xəbər verir ki, bu sözləri Ermənistanın müdafiə naziri Suren Papikyan parlamentdə çıxışı zamanı deyib. 

Ermənistan Milli Məclisində müxalifət deputatlarının müdafiə xəttinin acınacaqlı vəziyyəti ilə bağlı iradına cavab verən nazir bildirib ki, xəttin gücləndirilməsi istiqamətində iş dayanmayıb, davam edir.

Papikyan əlavə edib ki, müdafiə xətlərinin bir çoxunda sentyabrda Azərbaycanla baş verən toqquşmalardan sonra tam təchizat və avadanlıqlara ehtiyac duyulur. (yenisabah)