Nazir müavinindən Zəngəzur dəhlizi ilə bağlı son dəqiqə açıqlaması

“Zəngəzur dəhlizinin inkişaf etdirilməsi üçün mühüm addımlar atılıb. Dəhlizin Azərbaycana aid hissəsində nəqliyyat infrastrukturu tamamlanmaq üzrədir”.

Hurriyyet.media xəbər verir ki, bu fikirləri xarici işlər nazirinin müavini Elnur Məmmədov İkinci Azərbaycan Beynəlxalq İnvestisiya Forumu çərçivəsində təşkil olunan
“Orta Dəhliz: Ticarət, sənaye və bağlantılılıq potensialının reallaşdırılması” mövzusunda tədbirdə bildirib:

“Zəngəzur dəhlizinin Ermənistana aid 42 kilometrlik hissəsində işlər başlandıqda Asiyadan Avropaya yüklər 12-15 günə daşınacaq. İqtisadiyyatların inkişafı baxımından Zəngəzur dəhlizinin açılması önəmlidir”.