Neft qiymətləri Hörmüz ümidləri ilə ucuzlaşıb

Hörmüz gözləntiləri fonunda neft 2% ucuzlaşıb

Hurriyyet.media   xəbər verir ki, dünya bazarında neft qiymətləri təxminən 2 faiz geriləyib.

“Brent” markalı neftin fyuçersləri 2% azalaraq barel üçün 86,80 dollara, “WTI” isə 1,8% ucuzlaşaraq 80,87 dollara düşüb. Hər iki etalon marka bir gün əvvəl də 3%-dən artıq dəyər itirmişdi.

Ucuzlaşmanın əsas səbəbi İran və Oman arasında Hörmüz boğazında hərəkətin idarə olunması ilə bağlı danışıqların bərpası və boğazın yenidən açıla biləcəyinə dair gözləntilərin artmasıdır. Tərəflər müvəqqəti birgə naviqasiya dəhlizinin yaradılması və ərazinin minalardan təmizlənməsi məsələlərini müzakirə etdiklərini açıqlayıblar.

Bundan əlavə, ABŞ-də xam neft ehtiyatlarının gözləniləndən çox artması da qiymətlərə təzyiq göstərib. Amerika Neft İnstitutunun (API) məlumatına görə, avqustun 21-də başa çatan həftədə ehtiyatlar 4,2 milyon barel yüksəlib, bazar isə təxminən 600 min barellik artım gözləyirdi.

Eyni zamanda Hörmüz boğazının girişində neft tankerinin naməlum obyektlə vurularaq zədələnməsi regionda risklərin hələ də qaldığını göstərir.