Nikaraqua Prezidenti yepiskopları “terrorçu” adlandırdı

Hurriyyet.az “Anadolu Agentliyi”nə istinadən xəbər verir ki, Nikaraqua Prezidenti Daniel Orteqa yepiskopları “terrorçu” adlandırıb. 

Orteqa qeyd edib ki, 2018-ci ildə hökümət ilə müxalifətçi qruplaşmalar arasındakı münaqişə əslində “xarici qüvvələrin dəstəyi ilə dövlət çevrilişi cəhdi” olub.

Dövlət başçısı deyib: “Yepiskoplar yankilərə (Birləşmiş Ştatlardakı amerikalılara – red.) xidmət edən terrorçulara kömək elədilər. Bu yepiskoplar da terrorçudurlar”.

İnsan Hüquqları üzrə Amerikaarası Komissiyanın məlumatına görə, 2018-ci ildə Nikaraquada Daniel Orteqanın  başçılıq elədiyi Sandinist Milli Azadlıq Cəbhəsi hökumətinə qarşı kütləvi etirazlar zamanı 325 nəfər həlak olub, minlərlə insan həbs edilib.

Hürr Tərcüman