Nikola Sarkoziyə yeni ittihamlar irəli sürülüb
Fransanın keçmiş prezidenti Nikola Sarkoziyə yeni ittihamlar irəli sürülüb.
APA BFM TV-yə istinadən xəbər verir ki, Nikola Sarkozi 3 gündür ardıcıl olaraq 2007-ci ildəki seçki kampaniyasının Liviya tərəfindən maliyyələşdirilməsi məsələsi üzrə dindirilir.
Ona qarşı “saxta şahid toplama” və “fırıldaqçılıq məqsədli mütəşəkkil cinayətkar dəstənin fəaliyyətində iştirak etmə” ittihamı irəli sürülüb.
2020-ci ildə Sarkozinin işi üzrə əsas şahid olan Ziyad Təkiəddin şahidlikdən imtina edib. BFM TV-nin məlumatına görə, müstəntiqlər bunun müqabilində Təkiəddinə azı 608 000 avro ödənildiyi qənaətindədirlər.
Qeyd edək ki, daha əvvəl Nikola Sarkozi və daha iki şəxs haqqında üç il müddətinə həbs cəzası qərarı verilib. Onlara qarşı korrupsiya ittihamı irəli sürülüb.