"NÜVƏ QÜVVƏLƏRİ YÜKSƏK HAZIRLIQ VƏZİYYƏTİNƏ GƏTİRİLİB" - "Qarşıdurma fəlakətli həddə çatıb”

ABŞ-ın Rusiya ilə bağlı xarici siyasəti dünyanı nüvə müharibəsi təhlükəsi həddinə çatdırıb. 

Hurriyyet.az xəbər verir ki, bunu “Harpers Magazine” jurnalı yazıb.

Məqalədə amerikalı tarixçi və diplomat Corc Kennan səsləndirdiyi fikirlərdən sitat gətirilib. O, 1997-ci ildə bildirmişdi ki, Vaşinqtonun soyuq müharibə atmosferini bərpa etmək səyləri Ağ Evin üzləşəcəyi ciddi səhv addım olacaq.

Bildirilib ki, ABŞ nümayəndələri bununla yanaşı, nüvə təhlükəsizliyi və təminatı sahəsindəki öhdəliklərini genişləndirmək istiqamətində səylərini davam etdiriblər.

Məqalədə vurğulanıb ki, Ağ Ev Rusiya ilə açıq münaqişəyə getməyə yaxınlaşır. Bütün bunlar ABŞ və Rusiyanın nüvə qüvvələrini yüksək hazırlıq vəziyyətinə gətirib çıxarıb. Hazırki məqamda iki ölkə arasında nüvə qarşıdurması tarixdə görünməmiş şəkildə fəlakətli həddə çatıb. (report)