Özbəkistan-Qırğızıstan-Çin dəmir yolunun tikintisi müzakirə edildi

Qırğızıstan Prezidenti Sadır Japarov Asiya İnfrastruktur İnvestisiya Bankının prezidenti Zou Jiayini qəbul edib.

Telegraf xəbər verir ki, bu barədə Qırğızıstan liderinin mətbuat xidməti məlumat yayıb.

Tərəflər bankın “Kambar-Ata” Su Elektrik Stansiyası və Çin-Qırğızıstan-Özbəkistan dəmir yolunun tikintisi də daxil olmaqla, iri infrastruktur layihələrinin həyata keçirilməsində iştirakını müzakirə ediblər.

Asiya bankı “Kambar-Ata” Su Elektrik Stansiyasının maliyyələşdirilməsində iştirak imkanlarını araşdırmağa, eləcə də Çin-Qırğızıstan-Özbəkistan dəmir yolu layihəsi ilə bağlı Qırğızıstanın təkliflərini nəzərdən keçirməyə hazırdır.