Parisin Türkiyəyə qarşı zəhlətökənlik etməsində ermənilər bəs etmədi və PKK-nın ümidinə qaldı

Bu gün Fransanın Türkiyədəki səfiri Türkiyə Xarici İşlər Nazirliyinə çağırılıb və orada PKK-nın Suriya qanadı YPG-nin Senata -fəxri medallarla "mükafatlandırıldıqları" parlamentin yuxarı palatasına dəvəti ilə bağlı sərt etiraz edilib. 
20-ci əsrin əvvəllərində Fransa Türkiyədə çox məşhur idi, hətta nisbətən yaxın vaxtlara qədər fransız dili qardaş ölkədə əsas xarici dil kimi tədris olunurdu.
Bu səbəbdən fransızlarda türklərə qarşı bir qədər təkəbbürlü münasibət formalaşıb və türklər də haqlı olaraq bu münasibəti həzm edə bilmirlər, etməməlidirlər də.
Amma münasibətlərin kəskin pisləşməsinin pik həddinə çatması Nikola Sarkozi ilə başladı. Türkiyə rəhbərliyi Sarkozinin Liviyanın keçmiş lideri Müəmmər Qəddafi ilə əlaqələri haqqında çox şey deyə bilərdi, çünki Türkiyə və Liviyanın yaxın əlaqələri var. Hətta son münaqişə Türkiyənin səyləri nəticəsində kəskin mərhələdə dayandırıldı. Sarkozinin bu, təbii ki, xoşuna gəlmədi, ona görə də əlindən gəldiyi qədər körpüləri yandırdı və erməni məsələsini qaldıraraq Türkiyənin heç vaxt Aİ-yə üzv olmayacağını dedi.
Digər mübahisə mövzusu isə Türkiyənin həm hazırkı prezidenti Rəcəb Tayyib Ərdoğanın dindar olması, həm də Parisin Türkiyənin müsəlman dünyasındakı artan nüfuzundan vəlvələyə düşməsi səbəbindən Fransada aparılan İslam əleyhinə təbliğatdır.
“Charlie Hebdo” jurnalında Məhəmməd peyğəmbəri təhqir edən karikaturalar Ankaranın Parisə qarşı pis münasibətinin başqa bir səbəbidir. Türkiyə üçün bu, prinsipial məsələdir, burada belə şeylər unudulmur, bağışlanmır.
Digər faktor Fransadakı erməni diasporudur, bu faktorun rolu çox böyükdür, aktivdir və müasir siyasətə güclü təsir göstərir. ondarma "erməni soyqırımı"nın tanınması Türkiyə üçün qəbuledilməzdir və bu ermənilərə dəstək yox, Ankaranı bezdirmək istəyi kimi qəbul edilir.
Fransanın hazırkı prezidenti Emmanuel Makron heç nəyi dəyişməyə çalışmır, əksinə, davamlı olaraq Ərdoğanın səhhətinə ictimai şübhə yaradan açıqlamalar verir.
Belə görünür ki, Türkiyənin "zəhləsini tökməkdə" ermənilər yetərli olmadı, Paris indi də PKK-nın "ümidinə qaldı". Ona görə qoy sonra inciməsinlər çünki, "aslanın bığını özləri dartırlar". Necə deyərlər, özü yıxılan ağlamaz. Türkiyədə isə hər zaman "zəhlətökənlər"ə layiqli cavab tapırlar.

Ülviyyə, Hurriyyet.az