Paşinyan Pezeşkian ilə görüşüb

Hurriyyet.az xəbər verir ki, İranın yeni Prezidenti Məsud Pezeşkian Ermənistanın Baş naziri Nikol Paşinyanı qəbul edib. Paşinyan Pezeşkianın bu gün keçiriləcək andiçmə mərasimində iştirak etmək üçün Tehrana səfər edib.
Ermənistan hökumətinin mətbuat xidmətinin açıqlamasına görə, tərəflər regionda sülh, nəqliyyat və iqtisadi əlaqə yollarının açılması məsələlərini müzakirə ediblər. Paşinyan Ermənistanın Nazirlər Kabinetinin "Dünyanın kəsişməsi" layihəsini təqdim edib, onun regional kommunikasiya xətlərinin açılmasına yönəlmiş prinsiplərindən bəhs edib.
Açıqlamada deyilir: "İranın yeni Prezidenti regionda sülh və sabitlik üçün ardıcıl səylərdən danışıb. Məsud Pezeşkian qeyd edib ki, regionda sülhün dəstəklənməsi İran üçün xüsusi əhəmiyyət kəsb edir və İran tərəfi də bütün məsələlərin dialoq yolu ilə həll edilməsini zəruri hesab edir".
Hürr Tərcüman