Paşinyan separatçıların yeni rəhbərini niyə təbrik etmədi?

“Ermənistanın Baş naziri Nikol Paşinyanın Samvel Şahramanyanı “Artsaxın prezidenti” seçilməsi münasibəti ilə bağlı təbrik etməməsində qəribə heç nə görmürəm”.

Hurriyyet.az “Hraparak”a istinadla xəbər verir ki, bu sözləri Nikol Paşinyanın mətbuat katibi Nazeni Baqdasaryan deyib.

“Bəlkə, bu, Baş nazir artıq “Artsax”ın taleyi ilə maraqlanmaması ilə bağlıdır” sualına N. Baqdasaryanın cavabı qısa olub:

“Şərh ediləcək bir şey yoxdur. Baş nazir tərəfindən belə şeylərə heç vaxt münasibət bildirilməyib”.

Xatırladaq ki, N. Paşinyan separatçıların sabiq “rəhbər”i Araik Arutyunyanı 2020-ci ilin mayında “prezident” seçilməsi ilə bağlı təbrik etmişdi./Yenisabah.az/