Peskov: "Hərbi Dəniz Qüvvələrinin baş komandanının dəyişdirilməsi ilə bağlı açıq fərman yoxdur"

Rusiya Hərbi Dəniz Qüvvələrinin baş komandanının dəyişdirilməsi ilə bağlı açıq fərmanlar dərc olunmayıb, Kreml isə qapalı olanlara münasibət bildirmir.

Hurriyyet.az xəbər verir ki, Rusiya prezidentinin mətbuat katibi Dmitri Peskov brifinqdə Nikolay Evmenovun Hərbi Dəniz Qüvvələrinin baş komandanı vəzifəsindən istefa verməsi ilə bağlı mətbuatda yayılan xəbərlərə münasibət bildirərkən belə cavab verib.

“Məxfi kimi təsnif edilən fərmanlar var, onlara şərh verə bilmərəm. Bu məsələ ilə bağlı açıqlanacaq fərmanlar yoxdur”, -  deyə Peskov qeyd edib. Bundan əvvəl media və "Telegram" kanalları, o cümlədən “İzvestiya” qəzeti və “Fontanka” portalı admiral Evmenovun istefası barədə məlumat yayıb. Onlar Şimal Donanmasının komandiri admiral Aleksandr Moiseyevin müvəqqəti olaraq Hərbi Dəniz Qüvvələrinin baş komandanı vəzifəsini icra edəcəyi ilə bağlı bəyanatla çıxış ediblər.

Rusiya Müdafiə Nazirliyi Hərbi Dəniz Qüvvələrinin baş komandanının dəyişdirilməsini təsdiqləməyib.

Bizimyol.info