PSJ-nin futbolçusu daha bir il Bundesliqada çıxış edəcək

İcarə əsasında Almaniyanın "Leypsiq" kollektivində içıxış edən Xavi Simons daha bir il Bundesliqada forma geyinəcək.

Hurriyyet.az klubun mətbuat xidmətinə istinadən xəbər verir ki, Niderland millisinin üzvü ilə 1 illik icarə müqaviləsi yenilənib.

21 yaşlı yarımmüdafiəçi müqavilə əsasında Fransanın PSJ komandasına məxsusdur.

Qeyd edək ki, ötən mövsüm "Leypsiq"in heyətində 32 oyuna çıxan Simons 8 qol vurmağı bacarıb.