PUTİNİN SİLAHDAŞI və FTX-dəki KEÇMİŞ RƏHBƏRİ VİKTOR ÇERKESOV DÜNYASINI DƏYİŞDİ

Rusiyanın Narkotiklərə Nəzarət Xidmətinin keçmiş direktoru, Putinin ən sadiq kadrlarından biri Viktor Çerkesov 73 yaşında dünyasını dəyişib. Bu barədə Dövlət Dumasının deputatı Aleksandr Xinşteyn bildirib.
“Narkotiklərə Nəzarət Xidmətinin keçmiş rəisi və prezidentin Şimal-Qərb Federal Dairəsi üzrə nümayəndəsi general-polkovnik Viktor Çerkesov bu gecə 73 yaşında vəfat edib”, - o, Teleqram kanalında yazıb.
Xatırladaq ki, 1992-1998-ci illərdə Çerkesov Sankt-Peterburq və Leninqrad vilayəti üzrə FTX-yə rəhbərlik edib, həmin vaxt Vladimir Putin onun müavini olub. Politoloq Stanislav Belkovski iddia edir ki, bu illər ərzində o, Putinin ən yaxın dostlarından və tərəfdaşlarından biri olub.
2000-ci il seçki kampaniyası zamanı Çerkesov keçmiş müavininin seçki kampaniyasında fəal iştirak edib. 2000-ci ilin mayından 2003-cü ilin martına qədər o, Şimal-Qərb Federal Dairəsində prezidentin nümayəndəsi olub.
Daha sonra Çerkesov Narkotiklərə Nəzarət Federal Xidmətinin rəhbəri olub. Rusiyanın Narkotiklərə Nəzarət üzrə Federal Xidməti 2003-cü ilin martından 2016-cı ilin aprelinə qədər mövcud olub, bundan sonra onun funksiyaları Daxili İşlər Nazirliyinin sisteminə verilib. Çerkesov 2003-2008-ci illərdə xidmətə rəhbərlik edib.
Çerkesov FSB-nin fəxri veteranı hesab olunur. 2007-ci ilin oktyabrında Narkotiklərə Nəzarət üzrə Federal Xidmətin rəhbəri kimi o, “Kommersant”da “Biz əsgərlərin tacirə çevrilməsinə imkan verməməliyik” məqaləsini dərc edib.
"Kommersant"ın yazdığına əsasən, o, bu yazını "birbaşa Nikolay Patruşevin rəhbərlik etdiyi FSB-yə qarşı yönəldilib".
2000-ci ildə Viktor Çerkesovun həyat yoldaşı Natalya “Rosbalt” xəbər agentliyini (Rusiyada “xarici agentlər” KİV-lərinin reyestrinə daxil edilib) yaradıb və ona rəhbərlik edib.

Ülviyyə, Hurriyyet.az