Qadını şantaj edən gənc həbs olundu

Bakıda qadını şantaj edən gənc həbs olunub.

Hurriyyet.net  xəbər verir ki, hadisə Sabunçu rayonunda baş verib.

İnternet vasitəsilə tanış olduğu qadınla hoteldə görüşən şəxs onun görüntülərini lentə alıb. Daha sonra görüntüləri qadına göndərərək yayacağı ilə hədələməklə 2 dəfə (müvafiq olaraq 20 və 80 manat) pul alıb.

Qadının polisə şikayət etməsindən sonra S.Məmmədov (şərti) həbs edilib. Onun barəsində Cinayət Məcəlləsinin 182-ci (Hədə-qorxu ilə tələb etmə) maddəsi ilə iş açılıb.

İşin materialları baxılması üçün Sabunçu Rayon Məhkəməsinə göndərilib. Məhkəmədə məlum olub ki, cinayət işinin materiallarında çatışmazlıq var. Bu səbəbdən işə baxılmayıb və materiallar Sabunçu Rayon Prokurorluğuna qaytarılıb.