“Qalatasaray”ın müdafiəçisi komandadan ayrılmaq istəyir

“Qalatasaray”da əsas heyətdəki yerini itirən Kaan Ayhan karyerasının gələcəyi ilə bağlı qərarını açıqlayıb.

İnformasiyanı “Sabah” yayıb.

Məlumata görə, Türkiyə millisinin müdafiəçisi İstanbul təmsilçisindən ayrılmağı düşünür. 31 yaşlı futbolçu yanvar ayında “sarı-qırmızılar”la yollarını ayırmağı planlaşdırır. Mərkəz müdafiəçisi daha çox oyun təcrübəsi qazanmaq və müntəzəm olaraq meydana çıxmaq imkanı əldə edəcəyi komandaya keçmək istəyir.

Xatırladaq ki, “Qalatasaray” Kaan Ayhanı 2023-cü ilin yanvarında İtaliyanın “Sassuolo” klubundan transfer edib. Təcrübəli oyunçu bu mövsüm İstanbul klubunun heyətində cəmi bir rəsmi qarşılaşmada iştirak edib və həmin matçda yalnız 1 dəqiqə meydanda qalıb. (fanat.az)