Qarabağdan Ukraynaya göndərilmiş rus generalın başı dərddə - Ağır ittiham
Rusiya qoşunlarının Ukraynanın Donetsk vilayətinin Vuqledar şəhəri yaxınlığındakı uğursuz hücum əməliyyatı hərbi komandanlıqda yeni gərginliyə səbəb olub.
Bu barədə ABŞ-ın Müharibə Araşdırmaları İnstitutunun (ISW) təhlilində deyilir.
Amerikalı analitiklər iddia edirlər ki, 155-ci Dəniz Piyada Briqadasının 2022-ci ilin noyabrında Pavlivkada (Vuqledar yaxınlığı) uğursuz hücum cəhdlərinə rəhbərlik edən eyni komandirlər Vuqledarın ələ keçirilə bilməməsinə görə ittiham qarşısında qalıblar.
ISW xüsusən Şərq Hərbi Dairəsinin komandanı, general-leytenant Rüstəm Muradovun hərbi rəhbərliyin sərt ittihamı ilə üzləşdiyini bildirir. Döyüş meydanında dəfələrlə uğursuzluğa düçar olan zabitlərin açıq şəkildə mühakimə (məhkəmədə) olunmasına çağırışlar var.
Amerikalı analitiklərin fikrincə, 155-ci Dəniz Briqadası zəif təlim keçmiş səfərbər edilmiş şəxsi heyətdən ibarətdir:
"Rusiyalı çağırışçıların zəif hazırlığı Ukraynaya qarşı müharibədə taktiki uğursuzluqlara səbəb olacaq".
Rüstəm Muradov Azərbaycan ərazisindəki (Qarabağın dağlıq hissəsi) Rusiya "sülhməramlı kontingent"inin keçmiş komandiridir. \\Teleqraf.com