QUR Rusiya Müdafiə Nazirliyinin serverini sındırdı: Bu məlumatlar ələ keçdi

Ukrayna Baş Kəşfiyyat İdarəsi (QUR) bildirir ki, onun kibermütəxəssisləri DDoS hücumu nəticəsində Rusiya Müdafiə Nazirliyinin serverlərinə daxil olub və Rusiyanın hərbi rəhbərliyi haqqında çoxlu məlumatlar, əmrlər, hesabatlar, hərbi qüvvələrin əmrlərini əldə ediblər. 

Hurriyyet.az xəbər verir ki, bu barədə QUR Telegram-da məlumat yayıb.

"İndi Ukrayna xüsusi xidmətinin əlində Rusiya Müdafiə Nazirliyi tərəfindən istifadə edilən məlumatların qorunması və şifrələnməsi üçün proqram təminatı, habelə Rusiya Müdafiə Nazirliyinin bir sıra məxfi rəsmi sənədləri var", - QUR-dan bildirlib.

Söhbət Rusiya Müdafiə Nazirliyinin 2000-dən çox struktur bölməsi arasında yayılan əmrlər, hesabatlar, təlimatlar, hesabatlar və digər sənədlərdən gedir.

Baş Kəşfiyyat İdarəsi bildirir ki, əldə edilən məlumatlar Rusiya Müdafiə Nazirliyinin və onun bölmələrinin sisteminin tam strukturunu yaratmağa imkan verir.

"Əldə edilmiş məlumatların təhlili həmçinin generalları, RF Müdafiə Nazirliyinin struktur bölmələrinin digər yüksək rütbəli rəhbərlərini, habelə müavinləri, köməkçiləri, mütəxəssisləri - elektron sənəd dövriyyəsi üçün "bürokrat” adlanan proqram təminatından istifadə edən hər kəsi üzə çıxarmağa kömək etdi”, - Baş Kəşfiyyat İdarəsi qeyd edib. 

Kəşfiyyat vurğulayır ki, onun sərəncamında "kiberhücumun uğurlu alınmasında mühüm rol oynayan” Rusiya Federasiyası Müdafiə Nazirinin müavini Timur Vadimoviç İvanovun rəsmi sənədləri var.

Baş Kəşfiyyat İdarəsi əmin edir ki, Rusiya kiberməkanında "iş” davam edir.

Qaynarinfo.az