Rövşanə Ağasəfqızı: "Bunu çəkib paylaşanlar cəzalandırılmalıdır” - FOTO
Aparıcı Rövşanə Ağasəfqızı sosial şəbəkələrdə yayılan mübahisəli video ilə bağlı mövqeyini açıqlayıb.
Bir qrup qadının pul müqabilində spirtli içki qəbul etdiyi kadrlar aparıcının da diqqətini çəkib. Rövşanə Ağasəfqızı bu cür görüntülərin çəkilərək ictimaiyyətə təqdim olunmasını yolverilməz hesab etdiyini bildirib.
O, paylaşımında hər kəsin şəxsi davranışına görə özü məsuliyyət daşıdığını, lakin əxlaqi dəyərlərə zidd hesab etdiyi hərəkətlərin cəmiyyətə nümayiş etdirilməsinə qarşı olduğunu vurğulayıb.
Aparıcı xüsusilə belə məzmunu hazırlayıb yayanların məsuliyyətə cəlb edilməli olduğunu qeyd edib:
"Beş manat pula görə ağzına nə gəldi dürtən və danışanların görüntüsü niyə mənim qarşıma çıxmalıdır axı? Kim nə edir özü bilər. Əxlaqına, tərbiyəsinə özü cavabdehdir. Amma tərbiyəsizliyini və əxlaqsızlığını cəmiyyətə sırıyanlar, ətrafa yayanlar, bunu çəkib paylaşanlar cəzalandırılmalıdır".
