Rusiya iddia edir ki, Tramp BMT-ni qapalı elit klubla əvəz etməyə çalışır

Hurriyyet.org xəbər verir ki, ABŞ prezidenti Donald Trampın təşkil etdiyi "Sülh Şurası" qapalı elit kluba bənzəyir. Bunu Dövlət Dumasının Müdafiə Komitəsinin sədr müavini Aleksey Juravlev Gazeta.ru-ya verdiyi müsahibədə bildirib.

Onun fikrincə, Ağ Ev rəhbəri beynəlxalq təhlükəsizlik üçün yeni bir sistem qurur və Şura "açıq şəkildə BMT-ni əvəz etmək niyyətindədir". "Amerika prezidenti, ilk növbədə, iş adamıdır və o, dərhal dəyərini bir milyard dollar qiymətləndirdiyi qapalı elit klub yaratmağa çalışır. Bunun həm müsbət tərəfləri var - Rusiya və Belarus bərabərhüquqlu tərəfdaşlar kimi bu kluba qoşulmağa dəvət olunublar - həm də mənfi tərəfləri var", - deyə deputat bildirib.

Hurriyyet.org