"Rusiya Kiyevlə Çerniqovu ələ keçirmək cəhdlərindən imtina eləməyib"

Hurriyyet.az “Ukrainskaya pravda” nəşrinə istinadla xəbər verir ki, Rusiyanın paytaxt Kiyev ilə Çerniqov istiqamətlərdəki hərbi əməliyyatları dayandırdığı barəsindəki açıqlamasına baxmayaraq, Ukraynanın Müdafiə Nazirliyi PF-nin həmin şəhərləri tutmaq cəhdlərindən imtina eləmədiyini hesab edir.

Ukraynanın Müdafiə Nazirliyinin təmsilçisi Aleksandr Motuzyanik bu gün keçirilən brifinqdə deyib: “Bizdə olan operativ informasiyaya görə, hazırda düşmən bu şəhərləri də ələ keçirmək, yaxud da ən azı mühasirəyə almaq cəhdlərindən tam imtina eləməyib. Söhbət paytaxtdan və Çerniqovdan gedir. Ukrayna SQ-nin Baş Qərargahı ayrı-ayrı bölmələrin Kiyev və Çerniqov istiqamətlərində qismən yerdəyişməsini qeydə alıb. Bununla belə, Rusiya hərbçilərinin bu rayonlardan kütləvi şəkildə çıxarılmasını müşahidə etmirik”.

Hürr Tərcüman