Rusiya Ukraynada vurduğu texnikanın yeni sayını açıqladı

Rusiyanın hərbi aviasiyası ötən sutka ərzində Ukraynada 128 hərbi obyekti vurub.

Hurriyyet.az “TASS”a istinadən xəbər verir ki, bu barədə məlumatı Rusiya Müdafiə Nazirliyinin rəsmi nümayəndəsi general-mayor İqor Konaşenkov açıqlayıb.

Onun sözlərinə görə, sutka ərzində, həmçinin Ukraynaya məxsus 3 təyyarə və 4 pilotsuz uçuş aparatı da vurulub.

O bildirib ki, ümumilikdə hərbi əməliyyat zamanı Ukrayna Silahlı Qüvvələrinin 111 təyyarəsi, 68 helikopteri, 160 PUA-sı, eləcə də 159 zenit-raket kompleksi, 1353 tank və digər zirehli döyüş maşını, 129 reaktiv yaylım atəşi sistemi, mindən çox xüsusi hərbi avtomobil texnikası sıradan çıxarılıb.