Rusiya Ukraynaya yeni raket hücumuna hazırlıq görür-kəşfiyyat rəsmisi Vadim Skibitski

Rusiya Ukraynaya növbəti raket hücumuna hazırlaşır: təyyarələr bir aerodromdan digərinə keçir, ekipajlar təlim keçir. Bu barədə "RBK-Ukrayna"ya müsahibəsində ölkənin Müdafiə Nazirliyinin Baş Kəşfiyyat İdarəsinin nümayəndəsi Vadim Skibitski bildirib. O, təsdiqləyib ki, yeni hücum üçün Rusiyaya  təxminən 70 raket hazırlamağa bir həftə yarım-iki həftə vaxt lazımdır.
“Hazırlıq mürəkkəb prosesdir. Bu, hədəflərin seçimi, kəşfiyyatın aparılması, əlavə kəşfiyyat, raketlərin, ekipajların, zərbə vuracaq təyyarələrin hazırlanması və koordinasiya ilə bağlı digər məsələlərdir. Axı dronlar kəşfiyyat, döyüş və daşıyıcı təyyarələr üçün də istifadə olunur. Və yenidən vurduqdan sonra əlavə kəşfiyyat aparılmalı, nəticələrin nə olduğu aydınlaşdırılmalıdır. Buna görə də, bir-iki həftə raket silahlarının tətbiqi arasındakı orta intervaldır”, Skibitski bildirib. Belə hesablamalara görə, növbəti kütləvi raket zərbəsi təxminən 9-10 yanvarda ola bilər, lakin kəşfiyyat bunun daha tez baş verə biləcəyini etiraf edib.
“Bu, onların nə qədər raketdən istifadə edəcəklərindən, buna indi nə qədər hazır olduqlarından asılı olacaq. Biz görürük ki, aviasiya indi məşq edir, bir aerodromdan digərinə uçur, son sutka ərzində zərbələrin endirilməsi üzrə ekipajların təlimi gedir. Beləliklə, növbəti atəş zərbəsinə hazırlıq prosesi gedir”, deyə Skibitski bildirib.
O əlavə edib ki, çox şey havadan asılı olacaq. Skibitskinin sözlərinə görə, indi daha dəqiq idarə olunan silahlardan istifadə üçün hava normaldır.

Ülviyyə, Hurriyyet.az