Rusiyada miqrantlar hərbi xidmətdən qaça bilməyəcək - YENİ QANUN QƏBUL OLUNUR

Miqrantların hərbi xidmətə çağırılması haqqında qanun layihəsi Dövlət Dumasına təqdim edilib. Dövlət Dumasına qanun layihəsi təqdim edilib ki, ona əsasən, hərbi yaşda olan əcnəbi vətəndaşlar Rusiya pasportu almaqla eyni vaxtda hərbi xidmət üçün qeydiyyatdan keçməli olacaqlar.

Rusiya pasportu almış miqrant hər hansı səbəbdən hərbi qeydiyyatdan keçməzsə, bu, vətəndaşlıqdan məhrumetmə üçün əsas ola bilər.

Volodinin dediyi kimi, qanun layihəsi Dövlət Dumasında parlamentin yaz sessiyasının sonuncu günü, çərşənbə günü, iyulun 31-də baxılacaq.

Əvvəllər o, Rusiya vətəndaşlığını qəbul etmiş miqrantların hərbi xidmət müddətinin iki ilədək artırılmasını və hərbi xidmətə çağırış yaşının artırılmasını təklif edib.

İyunun sonunda İstintaq Komitəsinin rəhbəri Aleksandr Bastrıkin bildirmişdi ki, Ukraynada müharibədə Rusiya vətəndaşlığını almış 10 minə yaxın miqrant iştirak edir.

O, həmçinin əlavə edib ki, Rusiya pasportu almış bir çox miqrant Rusiyanın Ukraynaya qarşı təcavüzündə iştirak etmək istəmir.

Onun sözlərinə görə, müstəntiqlər “artıq vətəndaşlıq qəbul edən, lakin hərbi qeydiyyatdan keçmək istəməyən 30 mindən çox insanı tutub və qeydiyyata alıblar”.

Yanvarda Rusiya prezidenti Vladimir Putin hərbi xidmət müqaviləsi bağlamış əcnəbilərin Rusiya vətəndaşlığını almaq üçün sadələşdirilmiş variantı nəzərdə tutan fərman imzalayıb.

Ülviyyə, Hurriyyet.az