Rusiyada saxlanılan türkiyəli jurnalistlər azad edildi...

Türkiyənin "GZT" portalının Xakasiyada saxlanılan jurnalistləri Nazgül Kenzhetay və Emin Karaçak deportasiya edilməyəcək, onlar Rusiya ərazisini özbaşına tərk edəcəklər.

Hurriyyet.az Moderator.az-a istinadən verdiyi xəbərə görə, vəkil Ayas Tyundeşevin şikayəti əsasında regionun ən yüksək məhkəməsi Abakan Şəhər Məhkəməsinin jurnalistlərin müvəqqəti saxlanma məntəqəsində saxlanmasına dair qərarını ləğv edib və Rusiya Federasiyasından qovulmanın bir forması kimi Rusiya Federasiyasından nəzarətli müstəqil gedişi göstərib. -

Xakasiya Respublikasının Ali Məhkəməsi saxlanılanların inzibati cərimənin ödənilməsini və ölkədən çıxmaq imkanını təsdiq edən aviabiletlərin olmasını nəzərə alıb, - Xakasiya Ali Məhkəməsinin saytında bildirilir. 

Eləcə də dekabrın 17-dən Rusiya Daxili İşlər Nazirliyinin Abakan şəhəri üzrə xarici vətəndaşların müvəqqəti saxlanılması mərkəzində əcnəbi vətəndaşlar saxlandığından yüksək hazırlıq rejiminin tətbiq edildiyini düşünməyə əsas yoxdur. Rusiya Federasiyasında yeni koronavirus infeksiyasının (COVID-19) yayılması ilə əlaqədar onların Rusiya Federasiyasının hüdudlarından kənara mümkün qədər tez çıxarılmasının real ehtimalı var" - xəbərdə belə deyilir.

Xatırladaq ki, sözügedən türkiyəli blogerlər  dekabrın 17-də Xakasiya ərazisində Rusiya Federasiyasında qalma rejimini pozduqları üçün saxlanılıb. Onlar Rusiyanın türk xalqlarının həyatından bəhs edən süjetlər çəkdiklərini bildiriblər. Lakin onların icazə sənədləri olmayıb.