Rusiyanın növbəti planı nədir? Kadırovdan Ukrayna ilə bağlı hücum təklifi

Hurriyyet.az “RİA Novosti” informasiya agentliyinə istinadla xəbər verir ki, Çeçenistanın rəhbəri Ramzan Kadırov “xüsusi hərbi əməliyyatın bütün Ukrayna ərazisini əhatə edəcək ikinci mərhələsini” keçirməyi təklif edib.

Kadırov bütün Ukraynaya hücum eləməyi təklif etdi

Kadırov deyib: “Ən əsası – ikinci mərhələni başlamaqdır. Və konkret olaraq xüsusi əməliyyatı təkcə Luqansk ilə Donetskin ərazisində yox, bütün Ukrayna ərazisində keçirmək lazımdır”.

Kadırov öz “Teleqram” kanalında yaydığı videoda dünya ölkələrinin Ukraynanı “ən yaxşı silahlarla” təmin eləməsindən narazılığını bildirərək, “buna son qoymaq üşün ikinci mərhələyə başlamaq lazım” gəldiyini söyləyib.

Hürr Tərcüman