Rusiyanın yeni tikilən hərbi zavodları: təyyarələr, helikopterlər, raketlər... – ARAŞDIRMA

Jurnalistlər peyk şəkillərini təhlili nəticəsində Rusiyanın fəal hərbi fabriklər inşa etdiyini aşkar ediblər.

Hurriyyet.az “Azadlıq Radiosu”nun “Sxem” qrupunun araşdırmasını təqdim edir.

Araşdırmada deyilir ki, Rusiya son zamanlar yeni hərbi müəssisələr və ya mövcud olanların nəzdində yeni böyük sexlər inşa etməyə başlayıb. Bəzilərinin tikintisinə çoxdan başlanılsa da, Ukraynada müharibə başladıqdan sonra, onların inşa prosesi sürətlənib və artıq tamamlanmaq üzrədir.

Xüsusilə, taktiki və strateji təyyarələr, döyüş helikopterləri, hərbi dronlar və KAB-lar (корректируемые авиабомбы – idarəolunan aviasiya bombaları) istehsal edən və təmir edən müəssisələrdən söz gedir.

“Rostex” dövlət korporasiyasının strukturuna aid olan Kazan Aviasiya Zavodu Rusiyanın Ukraynaya raket atdığı Tu-22M3 və Tu-160 kimi strateji bombardmançı təyyarələr hazırlayır və təmir edir.

Burada yeni anqarın tikintisinə hələ 2018-ci ildə başlansa da, tikinti 2022-ci ildə sürətləndirilib və bu il demək olar ki, tamamlanıb. Hərbi ekspertlərin fikrincə, bu emalatxanada strateji bombardmançı təyyarələri təmir etmək və modernləşdirmək olar.

2019-cu ildən 2021-ci ilə qədər İrkutsk Aviasiya Zavodunun ərazisində uçuş zolağına çıxışı olan anqar meydana çıxdı və bu il daha bir oxşar obyektin tikintisi başa çatdırılır. Bu müəssisənin profili bütün modifikasiyalı Su-30 qırıcılarının təmiri və istehsalıdır. Aviasiya eksperti Xrapçinskinin fikrincə, belə binalardan Sukhoi Superjet kimi mülki təyyarələrin və Su-30 kimi qırıcıların təmiri üçün istifadə oluna bilər. Moskva vilayətindəki Dubnyanski Maşınqayırma Zavodunun ərazisində “Raduqa” Maşınqayırma Konstruktor Bürosu var. Kh-22, Kh-55, Kh-101 raketləri istehsal edir.

2021-ci ildə burada böyük binanın tikintisinə başlanılıb, 2023-cü ildə isə başa çatdırılıb. Bu, Kronştadt şirkətinə məxsus (şirkət rusiyalı oliqarx Yevtuşenkovun AFK-Sistem holdinqi ilə bağlıdır) Rusiya PUA-larının istehsalı üçün yeni özəl zavoddur.

Şirkətin profili "Orion", "Helios" və digər markalar altında müxtəlif modifikasiyalı - kəşfiyyatdan hücuma qədər hərbi pilotsuz təyyarələrin istehsalıdır. Yekaterinburqdakı Ural Mülki Aviasiya Zavodunda ruslar Mi-2, Mi-8, Mi-24 və Ka-52 kimi hərbi helikopterlərdə də istifadə oluna bilən mühərrik və sürət qutularını təmir edirlər. Rusiya ordusu bütün bu helikopterlərdən Ukraynaya qarşı müharibədə fəal istifadə edir.

2021-2023-cü illərdə orada yeni böyük sex tikilib.