Rüstəm Muradova yüksək vəzifə verildi

Hurriyyet.az xəbər verir ki, Dağıstan Respublikasının başçısı Sergey Melikov Rusiya qəhrəmanı general Rüstəm Muradovun Rusiyanın Şərq Hərbi Dairəsinin komandanı təyin olunduğunu bəyan edib.

Sergey Melikov öz “Teleqram” kanalında yazıb: “Həmyerlimiz, Rusiya qəhrəmanı Rüstəm Usmanoviç Muradov Şərq Hərbi Dairəsinin komandanı təyin edilib – bu, ölkənin ən güclü hərbi dairələrindən biridir”.

O, Muradovla dost olması ilə fəxr elədiyini, bu təyinatı düzgün qərar hesab elədiyini qeyd edib.

2018-ci il 25 dekabr tarixindən Muradov Cənub Hərbi Dairəsi Qüvvələrinin komandanının müavini postunu tutmuşdu. 2020-ci il noyabrın 11-dən 2021-ci il sentyabrın 9-na qədər isə Qarabağda Rusinın sülhməramlı qüvvələrinə başçılıq edib.

Hürr Tərcüman