Saakaşvili hərbi hospitala aparılıb

Hurriyyet.az “RİA Novosti” agentliyinə istinadən xəbər verir ki, Gürcüstanın keçmiş prezidenti Mixail Saakaşvili reanomobil ilə Tbilisidən 80 km məsafədə yerləşən Qoridəki hərbi hospitala aparılıb.

Bu barədə məlumatı Gürcüstanın “Pirveli” telekanalı yayıb. Saakaşvilini şəxsi həkimi Nikoloz Kipşidze, vəkilləri Nika Qvaramiya və Dmitri Sadzaqlişvili müşayiət ediblər.

Xatırladaq ki, cümə günü Saakaşvili Qoridəki hərbi hospitala aparılmasına və oktyabrın 1-də başladığı aclığı dayandırmağa razılıq verib.

Hürr Tərcüman