Saakaşvili ilə bağlı SOS - 10 kq da arıqlasa...

Hazırda Gürcüstanın eks-prezidenti Mixail Saakaşvilinin çəkisi 64 kiloqramdır. Daha çox kilo itkisi olarsa, artıq sağalmaya bilər.

Hurriyyet.az xəbər verir ki, bunu ölkənin Ombudsman Aparatının məsləhətçilərinin həkimi Georgi Qriqoliya deyib.

O bildirib ki, siyasətçi arıqlamaqda davam edərsə və 55 kiloqrama düşərsə, o zaman geridönməz proseslər başlayacaq və o, yataq xəstəsi olaraq qalacaq:

"Kaxeksiya güclənir. Saakaşvili ilə baş verənlər təbiidir: o, arıqlayır, əzələ və artıq sümük toxumasının məhv edilməsi prosesi gedir. Bu, adekvat müalicə almadığı üçün baş verir".

axar.az