Salyan sakini hərbi biletini və "Müharibə veteranı" vəsiqəsini ala bilmir

Salyan rayon sakini, 1959-cu il təvəllüdlü Məmiyev Məhəmməd Mehdiqulu oğlu "Hürriyyət"ə müraciət edərək bildirir ki, dəfələrlə aidiyyatı qurumlara müraciət etsə də nə "Müharibə veteranı" vəsiqəsini, nə də hərbi biletini ala bilmir. O Birinci Qarabağ müharibəsində iştirakı ilə bağlı əlində faktlarının olduğunu vurğulayıb:

"Mən 1992-ci ildə Qarabağ döyüşlərində iştirak etmişəm. Salyan rayon Hərbi Komissarlığı tərəfindən xidmətə yollanmışam. Füzuli şəhərində 839 nömrəli hərbi hissənin tərkibində döyüşlərdə olmuşam. Eyni zamanda, 1992-ci ildə əsgərlərlə Azərbaycan televiziyası konsert çəkilişi aparıb. Bu televiziyada yayımlanıb. Mənim orda iştirakım da görünür. Dəfərlə aidiyyatı qurumlara müraciət etməyimə baxmayaraq mənə "Müharibə veteranı" vəsiqəsi verilmir. Bundan əlavə mənə hərbi biletim də təqdim edilmir".

YƏHYA