Şəmkirdə ağır yol qəzası olub, ölən və xəsarət alanlar var

Şəmkirdə ölümlə nəticələnən ağır yol-nəqliyyat hadisəsi baş verib.

"Unikal"ın məlumatına görə, qəza Şəmkir–Gədəbəy yolunun Qasımallılar kəndi ərazisindən keçən hissəsində qeydə alınıb.

Belə ki, hərəkətdə olan “Mitsubishi” və “VAZ 2106” markalı avtomobillər toqquşub. Qəza zamanı 73 yaşlı şəxs xəstəxanaya aparılarkən yolda həyatını itirib. Daha 3 nəfər isə müxtəlif dərəcəli xəsarətlərlə xəstəxanaya çatdırılıb.

Hadisə yerinə DYP əməkdaşları cəlb olunub.

Faktla bağlı araşdırma aparılır.