SON DƏQİQƏ: Ərdoğan BU MÜQAVİLƏNİ imzaladı

Türkiyə Prezidenti Rəcəb Tayyip Ərdoğan ilə Qazaxıstan Prezidenti Kassym-Jomart Tokayev arasında keçirilən yüksək səviyyəli görüşlərdən sonra iki ölkə arasında 13 yeni ikitərəfli əməkdaşlıq müqaviləsi imzalanıb.

Hurriyyet.az xəbər verir ki, Prezident Ərdoğan Qazaxıstana rəsmi səfəri çərçivəsində paytaxtda yerləşən "Independence Palace" sarayında rəsmi mərasimlə qarşılanıb.

Daha sonra Ərdoğan və Tokayev arasında təkbətək görüş keçirilib. Liderlər həmçinin Türkiyə–Qazaxıstan Yüksək Səviyyəli Strateji Əməkdaşlıq Şurasının altıncı iclasında iştirak ediblər.

Birgə mətbuat konfransında çıxış edən Prezident Ərdoğan enerji sahəsində əməkdaşlığın genişləndirilməsinin vacibliyini vurğulayıb.

“Dünyanın aparıcı xam neft ixracatçılarından biri olan Qazaxıstandan daha çox nefti ölkəmiz vasitəsilə dünya bazarlarına nəql etmək istəyirik”, – deyə Türkiyə lideri bildirib.

Tərəflər iqtisadiyyat, enerji, logistika, müdafiə sənayesi və regional əməkdaşlıq sahələrində əlaqələrin daha da gücləndirilməsi ilə bağlı razılığa gəliblər.