Söyüldü, bu adama şikayət etdi - Gəncədə QALMAQAL!

Azərbaycan Premyer Liqasında üçüncü tura Gəncədə start verilib.

Qərb derbisində "Kəpəz" əzəli rəqibi "Turan Tovuz"u qəbul edib.

Qonaqların 2:0 üstünlüyü ilə başa çatan matçda oyunun baş hakimi yerli tərəfdarların qəzəbinə tuş gəlib.

Belə ki, fanatlar Cavid Cəlilovun qərarlarından narazı qalınca, onu ağır söyüşlərlə təhqir ediblər.

Meydanda əsəblərinə hakim olan referi fasilədə hirsini AFFA nümayəndəsi Seymur Səlimlidən çıxıb.

Cəlilov üzünü Seymur bəyə tutaraq sərt formada "Görürsən də, məni necə söyürlər" - deyib.

XANOĞLAN / SPORTİNFO.AZ