Teymur Rəcəbov və digər şahmatçılarımızın FİDE-nin yeni reytinqindəki yerləri bəlli olub

Hurriyyet.az xəbər verir ki, Beynəlxalq Şahmat Federasiyası (FIDE) yeni reytinqini açıqlayıb.

Azərbaycan şahmatçısı Teymur Rəcəbov FİDE-nin rəsmi saytında yerləşdirilən reytinqin ilk onluğuna qayıdıb. 36 yaşlı qrossmeyster 2747 xalla 10-cu yerdədir. Yığmanın digər qrossmeysteri Şəhriyar Məmmədyarov isə 2738 xalla 15-ci yeri tutub.

Şahmatçılarımızdan Qədir Hüseynov (2661) 83-cü, Rauf Məmmədov (2646) isə 100-cüdür.

Siyahıya əvvəlki kimi norveçli dünya çempionu Maqnus Karlsen (2852) başçılıq edir. İkinci yerdə rusiyalı Yan Nepomyaşiy (2795), üçüncü çinli Dinq Lijen (2788) qərarlaşıb.

Hürr Tərcüman