Türkiyə parlamentində millət vəkilləri arasında dava olub

Hurriyyet.az “Sputnik” agentliyinə istinadən xəbər verir ki, Türkiyə Böyük Millət Məclisində dava olub.

CHP partiyasından olan millət vəkili Erkan Aydın parlamentin iclası zamanı Daxili İşlər naziri Süleyman Soyluya üz tutaraq deyib: “Daxili İşlər naziri, Sezgin Baran Korkmazın təyyarəsinə niyə mindiniz? Fotoşəkliniz yayıldı, “başqa təyyarə yox idi” dediniz. Prezidentə söyləyərdiniz”.  Soylu cavabında Aydına: “Yalan deyirsən”, - deyə cavab verib.

Bu sözlərdən sonra parlamentdə qarışıqlıq düşüb. Millət vəkilləri bir-birini yumruqlayıblar. Davadan sonra iclasa fasilə verilib, bir qədər sonra isə Millət Məclisi öz işinə davam edib.

Hürr Tərcüman