Türkiyədə dəhşətli partlayış: Yaralılar var

Türkiyədə taxta fabrikinin xammal anbarında partlayış baş verib. 

Bu barədə “HaberGlobal” məlumat yayıb.

Bildirilib ki, hadisə ölkənin Bolu vilayətində baş verib. Partlayış nəticəsində 3 nəfər yaralanıb.

Yanğın yerinə yanğınsöndürmə, xilasetmə və təcili tibbi yardım briqadaları cəlb olunub. 

Yanğına müdaxilə edilib və yaralılar xəstəxanaya yerləşdirilib.

Hadisə ilə bağlı araşdırmalara başlanılıb.

@ Demokrat.az