Türkiyədə hoteldə yanğın - 2 turist öldü, 12-si yaralandı + Video

Antalyanın Muratpaşa rayonunda üçmərtəbəli butik hoteldə yanğın olub.

Hurriyyet.az xəbər verir ki, bu barədə “Sözcü” məlumat yayıb.

Yanğının gecə sat 03:30 radələrində baş verdiyi bildirilir. Hadisə nəticəsində 2 turist həyatını itirib. Onlardan birinin liviyalı qadın olduğu bildirilir. Həmçinin 2-si ağır olmaqla 12 nəfər yaralanıb.

Yanğında xəsarət alanlar arasında Norveç, Danimarka və Niderlanddan olan turistlər də var.

Əraziyə xilasedicilər, yanğınsöndürənlər, polis, təcili tibbi yardım qrupları yönəldilib. Hazırda yanğının baş vermə səbəbləri araşdırılır.

qafqazinfo.az