“Vaxtında Qarabağın Azərbaycan toprağı olduğunu desəydik” – erməninin sonrakı ağlı

Hurriyyet.az “Yerevan Today” nəşrinə istinadla xəbər verir ki, Ermənistan Baş naziri Nikol Paşinyan 2020-ci ilin payızında baş verən 44 günlük müharibənin araşdırılması üzrə komissiyasının 27 iyun tarixli iclasındakı çıxışı zamanı hakim “Vətəndaş müqaviləsi” partiyasının deputatı Armen Xaçaturyanın müharibədən yayınmağın mümkün olub-olmadığı sualının cavabında deyib: “Biz o vaxt deyə bilərdik ki, Qarabağın Azərbaycan ərazisindən kənarda olması ideyasından əl çəkirik. Əlbəttə, bəlkə də, bu, müharibədən qaçmağı təmin eləməzdi, lakin nəzəri cəhətdən buna imkan yaradardı”.

Hürr Tərcüman