Xameneini tənqid edən tanınmış din xadimi həbs olundu

İranda tanınmış din xadimi Cavad Mühəqqiq Yəzdi ölkənin ali rəhbəri Əli Xameneini və hökumətin siyasətini tənqid etdiyi üçün saxlanılıb.

Axar.az xəbər verir ki, bu barədə "Azad İran" Teleqram kanalı İran mediasına istinadla məlumat yayıb.

Qeyd edək ki, bir müddət öncə din xadimi İranın ali rəhbəri ilə bağlı belə bir açıqlama vermişdi:

"Əgər Əli Xamenei öz oğullarını Livan və Qəzzaya göndərsə, mən də getməyə hazıram. Xalqın övladlarını ölümə göndərirsiniz, öz övladlarınız üçün isə mühafizəçi tutursunuz".