Xərçəng xəstəliyinə dərman olacaq yeni bitki tapıldı

Avstraliya alimləri ölkənin şimalında bitən güclü yara sağaldıcı, mikrob əleyhinə və antioksidant təsir göstərən iki dərman bitkisi aşkar ediblər. Çarlz Darvin Universitetinin (CDU) iki tədqiqatının nəticələri "BMC Complementary Medicine and Therapies and Clinical", "Cosmetic and Investigational Dermatology" jurnallarında dərc olunub.
Bitkilərdən biri "lifli kalofillum"dur (Calophyllum inophyllum), ondan nanoemulsiya - nanoölçülü yağ damcıları ilə mayelərin qarışığı ayrılmışdır. Tədqiqatın ikinci obyekti "tinospora smilacina" (Tinospora smilacina) olub, onun yarpaqlarından sulu ekstraktı alınmışdır.
Tədqiqat göstərdi ki, hər iki bitki yaraları effektiv şəkildə sağalda bilən, patogenlərlə mübarizə aparan, həmçinin antioksidant təsir göstərən flavonoidlər və yağ turşuları kimi bioaktiv birləşmələrlə xüsusilə zəngindir. Qədim dövrlərdən bəri bu bitkilər ənənəvi tibbdə dəri xəstəliklərinin, yaraların və ağrıların müalicəsi, həmçinin ilan sancması, baş ağrıları, romatoid artrit və digər iltihablı xəstəliklərin müalicəsi üçün fəal şəkildə istifadə edilmişdir.
Alimlər indi nümunələri və onların bioaktiv birləşmələrini həm "in vitro", həm də "in vivo" öyrənməyə davam etməyi planlaşdırırlar. Kəşf bu birləşmələrin əczaçılıq və kosmetika sənayesində istifadəsinə, o cümlədən yeni xərçəng əleyhinə, iltihabəleyhinə dərmanların, eləcə də çoxlu dərmanlara davamlı xəstəliklər üçün dərmanların yaradılmasına imkan verəcək.
Ülviyyə, Hurriyyet.az