Yanardağ Vulkan kül və lava püskürtməyə davam edir

 AA yerli mənbələrdən əldə etdiyi   məlumata görə, 4-5 iyulda vulkan püskürmələrinin artdığı Etnada sakit bir günün ardından bu gün səhər saatlarında yenidən kül və lava püskürmə fəaliyyətləri müşahidə edilib.

Etnanın yaydığı kül vulkanın ətrafındakı yolların və Zafferana Etnea, Acireale və Giarre kimi yaşayış məntəqələrindəki küçələrin küllə örtülməsinə səbəb olub.

İtaliya Milli Geofizika və Vulkanologiya İnstitutunun (INGV) paylaşdığı məlumatda günün ilk saatlarında "Voragine" adlı kraterdə yeni partlayışların müşahidə edildiyi və daha yüksək ərazilərdə lava axınlarının yaşandığı qeyd edilib.

Etnanın yaydığı külün təxminən 5 kilometr yüksəkliyə çatdığı bildirilib.

Mətbuatda yayılan xəbərlərdə kül buluduna görə bölgədən keçən təyyarələrə “qırmızı” xəbərdarlıq edildiyi, lakin hazırda Kataniya Fontanarossa hava limanında hava hərəkətinə təsir edən bir vəziyyətin olmadığı bildirilib.

Etna dağı təqribən 3300 metr hündürlüklə Kontinental Avropanın ən yüksək aktiv vulkanıdır.

Digər tərəfdən, həftə ərzində Etnadan sonra aktivləşən ölkədəki digər bir aktiv vulkan olan Strombolidə vulkanik fəaliyyətlərin iyulun 5-nə nisbətən daha az intensivliklə də olsa davam etdiyi, lakin “qırmızı” həyəcan vəziyyətinin davam etdiyi bildirildi. .