“Yunanıstanla Rusiyanın münasibətləri tamamilə pozuldu”

Hurriyyet.az “İnterfaks” agentliyinə istinadla xəbər verir ki, Rusiyanın Afinadakı səfiri Andrey Maslov hazırda RF ilə Yunanıstan arasındakı münasibətlərin tamamilə pozulduğunu, əməkdaşlıq və təmasların olmadığını bildirib.

Maslov “Rossiya-24” telekanalının efirindəki çıxışı zamanı deyib: “Fevralın axırından bəri ikitərəfli münasibətlərimiz tamamilə pozulub, artıq münasibət yoxdur”. Onun sözlərinə görə, Yunanıstan tərəfindən “heç bir təmas, heç bir əməkdaşlıq” yoxdur: “Bir sözlər, qazanılan hər şey, onillər ərzində toplanmış zəngin ikitərəfli münasibətlər məcmusu sayılı günlər içərisində heç oldu, sıfırlandı”.

Hürr Tərcüman